“Al Nassr” ustozi: “Ronaldu Evropaga qaytadi”
Riyodliklar ustozi Rudi Garsiya hujumchi Krishtianu Ronaldu haqida fikr bildirdi.
Portugaliyalik “Al Nassr” safida 2 bahsda qatnashishga ulgurdi va samarali natija ko'rsata olmadi.
“Ronaldu – tarkibimizni sifat jihatdan yaxshilaydi, u raqib himoyachilariga muammo tug'diradi. U dunyoning eng yaxshi forvardlaridan biri. U faoliyatini “Al Nassr”da yakunlaydi deb o'ylamayman. Ronaldu Evropaga qaytadi”, deydi Garsiya.
Eslatib o'tamiz, 37 yoshli futbolchining “Al Nassr” bilan shartnomasi 2025 yil yozida o'z nihoyasiga etadi.
